21 студија кои покажуваат дека наложувањето на КОВИД вакцини не се заснова на наука

Студиите подолу покажуваат како наложувањето за вакцина против КОВИД не дава севкупна здравствена корист за заедницата, па дури и можат да бидат штетни.
-Објавено на Childrеn’s Heаlth Defense


Секојдневно слушаме како невакцинираните се едноставно виновни за сѐ, па дури и тие со две дози на КОВИД вакцина веќе ќе бидат на тапет, бидејќи според здравствените власти и тие не придонеле доволно за општото добро.

Вакцината против КОВИД19 е сѐ уште во експериментална фаза и е пуштена во употреба со итна постапка и како таква СЀ УШТЕ Е НЕЗАДОЛЖИТЕЛНА, а покрај ова секоја медицинска интервенција се изведува со ИНФОРМИРАНА СОГЛАСНОСТ на пациентот – што е дел од нашите и меѓународните закони и декларации.

Накратко: НИТУ ЕДНА ВАКЦИНА НЕ МОЖЕ ДА ВИ БИДЕ НАЛОЖЕНА!

Сепак, сведоци сме на сѐ побројните наложувања од одредени претпријатија, медицинските установи, медиумите…, дека вакцината мора да се прими и дека тоа е спасот од пандемијата, со нечовечки, неетички, што е најважно – не се поддржани од науката – сегрегации, омаловажувања, ограничувања на невакциниринате.

Моментално се бара ковид „пасош“ со примени две дози на КОВИД вакцина за влез во одредени објекти (барем засега, може ќе биде со три, четири, годишни дози) или доказ за прележан КОВИД не постар од 45 дена. Втората мерка е апсурдна сама по себе, но за тоа во друг текст. Најновите најави т.н. препораки, се уценувања на вработените од јавниот и здравствениот сектор – повторно со ограничувања на движењето без фамозниот „зелен пасош“.

Од малку достапните официјални статистики гледаме пораст на заболени кои се вакцинирани со една, но и со две дози. Исто така, постојат огромен број на студии кои докажуваат дека вирусното оптоварување и кај вакцинирани и кај невакцинирани е исто, што значи дека нема разлика во преносот меѓу двете групи. Со други зборови вакцинираните покрај тоа што можат да се инфицираат, тие исто така и го пренесуваат вирусот во иста мера како и невакцинираните.

Тогаш зошто се дели населението на вакцинирано и невакцинирано? Зошто упорно се наметнува вакцината, кога очигледно заштитата од неа со текот на времето ослабнува, не го спречува преносот (не ја запира пандемијата) – а потенцијалните штети сѐ уште не ни се познати кога немаме долгорочни истражувања?

Дали задолжителното вакцинирање придонесува/ ќе придонесе за било какво општо добро без да предизвика штета?

Следува одличен текст со збир на студии од епидемиологот д-р Пол Елијас Александар кои докажуваат дека наложувањето за КОВИД вакцините нема никаква корист за јавното здравје, а постојат индиции дека предизвикуваат штета и ваквите наложувања не се поддржани од науката.


Следните истражувачки трудови и студии покренуваат сомнежи дека мандатите за вакцина против КОВИД се поддржани од науката и добрата јавно-здравствена практика.

Секој што сака да ги поддржи овие мандати треба внимателно да ги консултира овие студии, кои покажуваат како наложувањата не обезбедуваат севкупна здравствена корист за заедницата, па дури и можат да бидат штетни.

Поединците треба да одлучат дали да ја добијат вакцината врз основа на сопствената проценка на ризиците во консултација со информирани медицински професионалци.

Моделот на Марековата болест ( нестерилизирачки, ненеутрализирачки вакцини кои ги намалуваат симптомите, но не ја запираат инфекцијата или пренесувањето) и концептот на оригиналниот антигенски грев (почетното нагодување на имунолошкиот систем го прејудицира имунолошкиот одговор на патоген или сличен патоген доживотно), може да објасни со што потенцијално се соочуваме сега со овие масовни наложувања на вакцините за КОВИД: имуно бегство, зголемен пренос, побрз пренос и потенцијално „пожешки“ варијанти.

Наложувањата резултираат со присилна сепарација и сегрегација на општеството. Тие несомнено предизвикуваат штети за луѓето во нивниот професионален живот. На пример, зошто владите би наметнале казни за вакцини кои ја менуваат кариерата на невакцинирана медицинска сестра, која најверојатно е веќе имуна поради природна изложеност?

Наложувањата исто така претставуваат навлегување во слободата и човековите права и ги доведуваат во прашање мотивите зад овие мандати кога науката не покажува јавна корист во споредба со она што ќе нѐ чини..

Подолу се студии кои ги доведуваат во прашање мандатите за вакцина против КОВИД-19:

1) Нема значајна разлика во вирусното оптоварување помеѓу вакцинирани и невакцинирани, асимптоматски и симптоматски групи кога се заразени со делта варијанта на SARS-CoV-2,
Acharya, 2021 година
Не најдовме значајна разлика во вредностите на прагот на циклусот помеѓу вакцинираните и невакцинираните, асимптоматските и симптоматските групи инфицирани со делта на САРС-КоВ-2“.
2) Вакцинираните и невакцинираните лица имаат слични вирусни оптоварувања во заедниците со висока преваленца на делта варијантата на САРС-КоВ-2,
Riemersma, 2021 година

Ширење на заразниот САРС-КоВ-2 и покрај вакцинацијата кога е распространета варијантата делта – Висконсин, јули 2021 година
„Нема разлика во вирусните оптоварувања кога се споредуваат невакцинираните лица со оние кои имаат „пробивни“ инфекции, односно се вакцинирани и повторно инфицирани.
Понатаму, вакцинираните индивидуи со „пробивни“ инфекции често се тестираат позитивно со вирусни оптоварувања во согласност со способноста да исфрлаат заразни вируси…

Ако вакцинираните поединци се заразат со варијантата делта, тие може да бидат извори на пренос на САРС-КоВ-2 кај други

Податоците ја потврдуваат идејата дека вакцинираните лица кои се инфицираат со варијантата делта може да имаат потенцијал да го пренесат САРС-КоВ-2 на други“.
3) Споредување на природниот имунитет на САРС-КоВ-2 со имунитет предизвикан од вакцина: реинфекции наспроти пробивни инфекции,
Газит, 2021 година
Природниот имунитет дава подолготрајна и посилна заштита од инфекција, симптоматска болест и хоспитализација предизвикана од делта варијантата на САРС-КоВ-2, во споредба со имунитетот предизвикан од две дози од вакцината BNT162b2…
„Вакцинираните за САРС-КоВ-2 (кои не прележале) имале 13,06 пати (95% CI, 8,08 до 21,11) зголемен ризик за пробивна инфекција со варијантата делта во споредба со оние што биле претходно биле инфицирани.“
27 пати зголемен ризик од симптоматски КОВИД и 8 пати зголемен ризик од хоспитализација (вакцинирани над невакцинирани).
4) Ефективност на вакцинацијата против Ковид-19 против ризик од симптоматска инфекција, хоспитализација и смрт до 9 месеци: Шведската колективна студија на вкупното население,
Нордстром, 2021 година
Извештај за нивната студија која покажува дека (збирот сочинувал 842.974 парови (N=1.684.958), вклучувајќи индивидуи вакцинирани со 2 дози ChAdOx1 nCoV-19, mRNA-1273 или BNT162b2 и исто невакцинирани лица)
„Ефективноста на вакцината на BNT162b2 против инфекција постепено опаѓа од 92% (95% CI, 92-93, P<0·001) на ден 15-30 на 47% (95% CI, 39-55, P<0·001) на ден 121-180, а од 211 ден па наваму не можеше да се открие ефективност (23%; 95% CI, -2-41, P=0·07)“.
додека вакцината обезбедува привремена заштита од инфекција, ефикасноста опаѓа под нулата, а потоа на негативната територија на приближно 7 месеци, нагласувајќи дека вакцинираните се многу повеќе подложни на инфекција и на крајот стануваат високо инфицирани (дури повеќе од невакцинираните).
5) Намалување на заштитата од вакцината BNT162b2 против инфекција со САРС-КоВ-2 во Катар,
Chemaitelly, 2021 година
Студијата во Катар која покажа дека ефикасноста на вакцината (Pfizer) се намалила на нула за 5 до 6 месеци, па дури и непосредната заштита по еден до два месеци беше во голема мера претерано претставена…
„Се чини дека заштитата од инфекција предизвикана од BNT162b2 брзо опаѓа по нејзиниот врв веднаш по втората доза“.
6) Пренос на делта варијанта на САРС-КоВ-2 меѓу вакцинираните здравствени работници, Виетнам,
Чао, 2021 година
Го разгледува преносот на варијантата делта на САРС-КоВ-2 меѓу вакцинираните здравствени работници во Виетнам. 69 здравствени работници биле позитивни на САРС-КоВ-2. 62 учествуваа во клиничката студија.
Истражувачите објавија „Добиени се 23 комплетни геномски секвенци. Сите тие припаѓаа на варијантата делта и беа филогенетски различни од актуелните секвенци на варијантите на делта добиени од случаите на пренос во заедницата, што укажува на тековен пренос меѓу работниците.
Вирусни оптоварувања на случаите со пробивни инфекции со варијантата делта беа 251 пати повисоки од оние на случаи заразени со постари соеви откриени помеѓу март-април 2020 година“.
7) Епидемии на инфекции САРС-Ков-2, вклучително и пробивни инфекции кај вакцинирани против КОВИД-19, поврзани со големи јавни собири – округот Барнстабл, Масачусетс, јули 2021 година, Браун, 2021 година Оваа студија покажа дека во 469 случаи на КОВИД-19, 74% се случиле кај целосно вакцинирани лица.
Вакцинираните во просек имале повеќе вируси во носот од невакцинираните кои биле инфицирани“.
8) Епидемија предизвикана од варијантата делта на САРС-КоВ-2 (B.1.617.2) во болница во Финска, мај 2021 година,
Хетемаки, 2021 година
„Како заклучок, оваа епидемија покажа дека и покрај целосната вакцинација и универзалното маскирање на здравствените работници се појавија пробивни инфекции од варијантата делта преку симптоматска и асимптоматска инфекција, предизвикувајќи болнички инфекции…
Секундарното пренесување се случи од оние со симптоматски инфекции и покрај употребата на лична заштитна опрема (ЛЗО)“.
9) Нозокомијална епидемија предизвикана од варијантата делта на SARS-CoV-2 кај високо вакцинирана популација, Израел, јули 2021 година,
Шитрит, 2021 година
ЛЗО и маските беа суштински неефикасни во здравствената заштита. Случаите обично беа целосно вакцинирани и повеќето (ако не и сите преноси) имаат тенденција да се појават помеѓу пациентите и персоналот кои биле маскирани и целосно вакцинирани, што го нагласува високиот пренос на варијантата делта меѓу вакцинирани и маскирани лица…
Оваа болничка епидемија е пример за високата преносливост на варијантата делта SARS-CoV-2 меѓу двапати вакцинирани и маскирани лица“.
10) Извештај за надзор над вакцината КОВИД-19 Недела 42, PHE, 2021 година
Извештај бр. 44: PHE
Информациите на страница 23 предизвикуваат сериозна загриженост кога објавија дека „опаѓањето на одговорот на N антителата со текот на времето и (iii) неодамнешните набљудувања од податоците од надзорот на Агенцијата за здравствена безбедност на Обединетото Кралство (UKHSA) дека нивоата на N антитела се чини дека се пониски кај поединци кои добиваат инфекција по 2 дози вакцинација.
Покажува и изразен и многу загрижувачки тренд, а тоа е дека „двојно вакцинираните лица покажуваат поголема инфекција (на 100.000) од невакцинираните, а особено кај постарите возрасни групи на пр. 30 години и повеќе“.
11) Намалување на имунолошкиот хуморален одговор на КОВИД 19 вакцината BNT162b2 во текот на 6 месеци,
Левин, 2021 година
Шест месеци по примањето на втората доза од вакцината BNT162b2, хуморалниот одговор беше значително намален, особено кај мажите, кај лицата на возраст од 65 години или постари и кај лицата со имуносупресија“.
12) Зголемувањата на КОВИД-19 случаите не се поврзани со нивоата на вакцинација во 68 земји и 2947 окрузи во Соединетите Држави,
Субраман, 2021 година
Зголемувањето на КОВИД-19 не е поврзано со нивоата на вакцинација во 68 земји и 2947 окрузи во Соединетите држави.
13) Трајност на имунолошките одговори на вакцината BNT162b2 mRNA,
Сутар, 2021 година
„Ја испитавме издржливоста на имунолошките одговори на вакцината со mRNA BNT162b2“.
Тие „ги анализираа одговорите на антителата на хомологниот вид Ву, како и неколку загрижувачки варијанти, вклучително и новонастанатата Mu (B.1.621) варијанта и одговорите на Т-клетките во подгрупа од овие доброволци на шест месеци (ден 210 по примарна вакцинација ) по втората доза… податоците покажуваат значително намалување на одговорите на антителата и Т-клеточниот имунитет на САРС-КоВ-2 и неговите варијанти, 6 месеци по втората имунизација со вакцината BNT162b2.“
14) Антителата против САРС-КоВ-2 кои ја засилуваат инфекцијата ги препознаваат и оригиналниот вид Вухан/Д614Г и варијантите Делта. Потенцијален ризик за масовна вакцинација?
Јахи, 2021 година
Пријавија дека „во случајот со варијантата делта, неутрализирачките антитела имаат намален афинитет кон шилестиот протеин , додека олеснителните антитела покажуваат впечатливо зголемен афинитет.
Така, ADE може да биде грижа за луѓето кои примаат вакцини врз основа на оригиналната секвенца на шилестиот протеин од сојот во Вухан (или mRNA или вирусни вектори)“.
15) Хоспитализација на вакцинирани со пробивни КОВИД-19 инфекции,
Јутани, 2021 година
Идентификувани 969 пациенти кои биле примени во болница на Јеил Њу Хевен со потврден позитивен PCR тест за САРС-КоВ-2… „Забележан е поголем број на пациенти со тешка или критична болест кај оние кои примиле вакцина BNT162b2, отколку кај оние кои примиле mRNA-1273 или Ad.26.COV2.S“.
16) Влијанието на вакцинацијата против САРС-КоВ-2 врз преносот на варијантата алфа и делта,
Ејре, 2021
„Го испитавме влијанието на вакцинацијата против SARS-CoV-2 врз преносот на варијантата алфа и делта“.
Тие објавија дека „додека вакцинацијата сè уште го намалува ризикот од инфекција, слични вирусни оптоварувања кај вакцинирани и невакцинирани лица инфицирани со делта доведува до прашање колку вакцинацијата спречува понатамошно пренесување…
Редукцијата на преносот се намали со текот на времето од втората вакцинација, за делта достигна слични нивоа на невакцинирани лица за 12 недели за ChAdOx1 и значително слабеење за BNT162b2.
Заштитата од вакцинирање во контактите исто така опадна за 3 месеци по втората вакцинација…
вакцинацијата го намалува преносот на делта, но за помалку од варијантата алфа“.
17) САРС-КоВ-2 инфекција по вакцинација кај здравствените работници во Калифорнија,
Кинер, 2021 година
„Пријавено е повторното заживување на инфекцијата со САРС-КоВ-2 кај високо вакцинирана работна сила во здравствениот систем. Вакцинирањето со mRNA вакцини започна во средината на декември 2020 година; до март, 76% од работната сила беше целосно вакцинирана, а до јули, процентот се искачи на 87%. Инфекциите драстично се намалија до почетокот на февруари 2021 година. …се совпаѓа со крајот на мандатот за маски во Калифорнија на 15 јуни и брзата доминација на варијантата B.1.617.2 (делта) која првпат се појави во средината на април и сочинуваше над 95% од UCSDH изолатите до крајот на јули, инфекциите рапидно се зголеми, вклучително и случаи кај целосно вакцинирани лица…“
Истражувачите објавија дека „драматичната промена во ефективноста на вакцината од јуни до јули најверојатно се должи и на појавата на варијантата делта и на слабеењето на имунитетот од вакцината со текот на времето“.
18) Пренос во заедницата и кинетика на вирусно оптоварување на варијантата делта на САРС-КоВ-2 (B.1.617.2) кај вакцинирани и невакцинирани лица во ОК: проспективна, лонгитудална, кохортна студија,
Singanayagam, 2021 година
„Ја испитавме кинетиката на преносот и вирусното оптоварување кај вакцинирани и невакцинирани лица со лесна инфекција на делта варијантата во заедницата“.
Тие открија дека во 602 контакти во заедницата (идентификувани преку системот за контактно следење на Обединетото Кралство), од 471 индексни случаи на КОВИД-19 во Обединетото Кралство биле регрутирани за проценка на преносот и инфективноста на КОВИД-19 во збирната студија „Контакти“ и дарувале 8145 примероци од горно- респираторен тракт со дневно земање мостри до 20 дена).
Вакцинирањето го намалува ризикот од инфекција со делта варијанта и го забрзува клиренсот на вирусот. Сепак, целосно вакцинираните лица со пробивни инфекции имаат максимално вирусно оптоварување слично на невакцинираните случаи и можат ефикасно да ја пренесат инфекцијата во домаќинството, вклучително и на целосно вакцинирани контакти“.
19) Намалување на имунитетот по вакцината BNT162b2 во Израел,
Голдберг, 2021 година
„Имунитетот против делта варијантата на САРС-КоВ-2 ослабе кај сите возрасни групи неколку месеци по примањето на втората доза на вакцината“.
20) Вирусни оптоварувања на пробивни инфекции со делта-варијанта на САРС-КоВ-2 по вакцинација и засилување (бустер доза) со BNT162b2,
Левин-Тајфенбрун, 2021 година
Ефективноста на намалување на вирусното оптоварување се намалува со текот на времето по вакцинацијата.
„…значително се намалува на 3 месеци по вакцинацијата и ефикасно исчезнува по околу 6 месеци“.
21) Споредба на две високоефикасни mRNA вакцини за КОВИД-19 за време на периоди со преваленца на варијантата алфа и делта, Пураник, 2021 година „Во јули, ефективноста на вакцината против хоспитализација остана висока (mRNA-1273: 81%, 95% CI: 33-96,3%; BNT162b2: 75%, 95% CI: 24-93,9%), но ефективноста против инфекција беше помала за двете вакцини (mRNA-1273: 76%, 95% CI: 58-87%; BNT162b2: 42%, 95% CI: 13-62%), со поизразено намалување за BNT162b2.